Yük avtomobili körpünün altına ilişdi – yolda tıxac yarandı - VİDEO

Bu gün səhər saatlarında Biləcəridə yol nəqliyyat hadisəsi yaşanıb. Yük avtomobili yerüstü körpünün alt hissəsindən keçərkən qəza törədib. Avtosfer.az bildirir ki, yük avtomobilinin sürücüsü körpünün altından keçərkən icazə verilən hündürlüyə diqqət etməyib. Nəticədə avtomobilin yük hissəsi körpünün altına ilişib. Sürücü yoluna davam edərək ordan çıxmağa çalışıb. Amma bunun mümkün olmadığını gördükdən sonra o, avtomobili saxlayıb. Sürücünün diqqətsizliyi səbəbindən yolda saatlarla tıxac yaranıb.

Aysel