Bakının tıxac problemi həll olunacaq - AÇIQLAMA

Bakıda 20 yanvar dairəsi, Babək prospektindən Heydər Əliyev Prospektinə dönən yolun kəsişməsi və Koroğlu körpüsünün ətrafı tıxac problemli ərazilərdir.

Bəs bu ərazilərdə sözügedən problem necə çözülə bilər? 

Avtosfer.az-ın məlumatına görə, "redaktor.az"a danışan nəqliyyat eksperti Eldəniz Cəfərov bildirdi ki, bu problemlərin həll olunması üçün artıq dövlətin yol xəritəsi mövcuddur.

"Bu, Bakı və ətraf ərazilərdə nəqliyyat infrastrukturunun təkmilləşdirilməsinə dair dövlət proqramıdır və dövlət proqramında da yolların təkmilləşdirilməsi, yeni yolların çəkilməsi, alternativ yollarla bağlı müddəalar mövcuddur. Bu, qarşıdan gələn, 2025-2030-cu illər, yəni beş il ərzində həll edilməlidir. Bu isə problemlərin həllində öz təsirini göstərəcək" - həmsöhbətimiz dedi.