Növbəti köç karvanları Xocavənd şəhərinə çatdı - YENİLƏNİB

Xocavənd şəhəri, eyni adlı kənd və Qırmızı Bazara yola salınan 18 ailədən ibarət növbəti köç karvanları rayon mərkəzinə çatıb.

Avtosfer.az "Report"a istinadən xəbər verir ki, qeyd olunan yaşayış məntəqələrinə qayıdan sakinlər ölkənin müxtəlif yerlərində məskunlaşmış ailələrdir.

***12:36

Xocavənd şəhərinə, eyni adlı kəndə və Qırmızı Bazar qəsəbəsinə növbəti köç karvanları yola salınıb.

Avtosfer.az xəbər verir ki, bu mərhələdə Xocavənd şəhərinə 6 (24 nəfər), Xocavənd kəndinə 6 (20 nəfər) və Qırmızı Bazar qəsəbəsinə 6 ailə (24 nəfər) köçürülür.

Bununla da Xocavənd şəhərinə 331 (1289), Xocavənd kəndinə 74 (306 nəfər) və Qırmızı Bazar qəsəbəsinə 203 ailənin (858 nəfər) daimi qayıdışı təmin edilib.