"Formula 1": Azərbaycan Qran Prisi üçün könüllülərin qeydiyyatına start verilir
Yarışma 5 Dekabr 2022 12:29 Oxunub 318
"Formula 1":  Azərbaycan Qran Prisi üçün könüllülərin qeydiyyatına start verilir

2023-cü ildə keçiriləcək Azərbaycan Qran Prisi üçün könüllülərin qeydiyyatına start verilib.

Bakı Şəhər Halqası Əməliyyat Şirkətindən (BŞH) Avtosfer.az-a verilən məlumata görə, yarışın təşkilatçılıq işlərinə ümumilikdə 1500 könüllünün cəlb olunması planlaşdırılır.

Proqrama seçilmək istəyən 16 yaşdan yuxarı namizədlərin xarici dil biliyi arzu olunandır.

Müraciət edənlərin sayı çox olduğuna görə seçim zamanı ən yaxşı namizədlərə üstünlük veriləcək. Müsahibə mərhələsindən uğurla keçən hər bir şəxs insan resursları, işçi qüvvəsi, media əməliyyatları, tamaşaçı xidmətləri, şəhər əməliyyatları, ofis əməliyyatları, hava limanı əməliyyatları və digər istiqamətlərdən birinə yönləndiriləcək.

Könüllü olmaq istəyənlər //volunteers.bakucitycircuit.com linkinə daxil olaraq qeydiyyatdan keçə bilərlər.

Qeyd edək ki, 2023-cü ildə Azərbaycan Qran Prisi 28 - 30 apreldə gerçəkləşəcək.
 

ŞƏRH YAZ
Ad

E-mail

Şərh