Bu halda hansı sürücü yol verməlidir? - DOĞRU CAVAB

Avtosfer.az saytı ötən həftənin sualının doğru cavabını və qalib olmuş oxucunun adını təqdim edir. Sual belədir:

Geriyə dönən zaman trayektoriya kəsişərsə, kim yol verməlidir?
1) Yaşıl avtomobilin sürücüsü
2) Qırmızı avtomobilin sürücüsü
3) Bu vəziyyət qanunla tənzimlənmədiyi üçün sürücülər öz aralarında razılığa gəlməlidir.

Doğru cavab: 2) Qırmızı avtomobilin sürücüsü

İzahı: “Yol Hərəkəti Haqqında” Qanunun 42-ci maddəsinin X hissəsində qeyd olunub ki, nəqliyyat vasitələrinin hərəkət trayektoriyaları kəsişdikdə, keçmənin növbəliliyi isə qaydalarda göstərilmədikdə, sağ tərəfdən hərəkət edən nəqliyyat vasitəsinə üstünlük verilir.
 
Sualın ilk düzgün və izahlı cavabını verən Cavid Babayev adlı oxucumuz 5 manatlıq danışıq kartını qazandı. Oxucumuzu Avtosfer.az saytı adından təbrik edirik!