“Baksol” yolu niyə qazılıb? – Nə təmir, nə də bərpa edilir - VİDEO

Paytaxtın "Baksol yolu" adlanan ərazisində uzun müddətdir aparılan qazıntılardan sonra həmin ərazilərdə nə təmir, nə də bərpa prosesi aparılır. Avtosfer.az xəbər verir ki, bu vəziyyət həm ərazidə fəaliyyət göstərən sahibkarların, həm də sürücülərin narazılığına səbəb olub.

Sahibkarlar bildirirlər ki, müəyyən aralıqlarla işçilər əraziyə gəlib iş görürmüş kimi davranır, daha sonra isə oranı tərk edirlər. Qazıntı işlərindən sonra yaranmış iri çuxurların yağıntılı hava səbəbindən su ilə dolması yol örtüyünü sıradan çıxarır və asfaltın dağılmasına səbəb olur. Yoldan istifadə edən sürücülərin sözlərinə görə, yolun qazılmış və bərpasız vəziyyətdə qalması avtomobillərin hərəkətinə də maneə yaradır. Qazıntıların birbaşa mağazaların, obyektlərin qarşısında aparılması və yolun bu vəziyyəti müştərilərin obyektlərə yaxınlaşmasına əngəl yaradır. Nəticədə sahibkarlar məhsullarını sata bilmədiklərini, satışların kəskin azaldığını deyirlər.

Daha ətraflı videomaterialda: