Bu küçədə sürücülər yol üstündə hər gün dava edir - Yasamalda xaos - VİDEO

Paytaxtda sürücülərin avtomobillərini necə gəldi saxlaması səbəbilə problemlərin yarandığı barədə dəfələrlə xəbər dərc etmişik.
Avtosfer.az xəbər verir ki, bu dəfə Bakının Yasamal rayonunda “Arabaçı-MTK” və “Şərur-MTK” arasındakı yolda yaranan problem gündəmə gəlib.
Məhəlləsində hər gün yaşanan vəziyyəti telefonu ilə qeydə alan sakin bildirir ki, qonşuların maşınlarını düzgün park etməməsi səbəbindən ikitərəfli yolda cəmi 1 zolaq işlək qalır. Bu da dəqiqələrlə, hətta saatlarla sıxlığın yaranmasına səbəb olur. Bir neçə dəfə sürücülərin bir-birinə yol verməməsi dava ilə nəticələnib.
Sakin aidiyyəti qurumların yaranan problemin həlli istiqamətində təcili işlər görmələrini tələb edib.

Könül Raufqızı