Avtobuslar peyinlə işləyəcək - VİDEO

Avtosfer.az atv.az-a istinadən xəbər verir ki, İngiltərənin Ridinq şəhərində sərnişin daşımada geniş istifadə olunmağa başlayan avtobus saatda  123 kilometr sürətlə hərəkət Edir. Qeyri-adi avtobusun sürətini artıra bilmək üçün mühərrikə yenidən əl gəzdirməli olan mühəndislər tapşırığın öhdəsindən gəlib.

Mühəndislər yaxın gələcəkdə avtobusun sürətinin daha da yüksələcəyini istisna etmir. Söhbət sadəcə rekord vurmaqdan getmir, bu avtobus həm də ekoloji baxımdan tamamilə təhlükəsiz olduğundan, benzinlə işləyən bütün avtobuslardan daha faydalıdır.

Əlbəttə, ingiltərədə nəqliyyat qanunları ictimai nəqliyyat vasitələrinin yollarda saatda 100 kilometr sürət yığmasına icazə vermir.  İngilisləri, peyinlə işləyən avtobusun sürətini artırmağa vadar edən, bu avtobusun ləng işlədiyi ilə bağlı insanların beynində yaranan təəssüratı aradan qaldırmaqdır.

Qeyd edək ki, avtobusun mühərriki mal-qara peyinindəki metan qazını ayıraraq enerjiyə çevirir.  Bu avtobusun yanacaq çəninə birbaşa peyin yox, maye halına salınmış  mal-qara tullantısı doldurulur.