Azərbaycanın yeni təyyarələri

Ukraynanın "Antonov" şirkəti Azərbaycana 10 yeni “An-178” təyyarəsi ixrac edəcək. Avtosfer.az xəbər verir ki, yeni təyyarələri Azərbaycanın “Silk Way Airlines” aviaşirkəti alır. Ümumilikdə, "Antonov" şirkəti 100 yeni “An-178” təyyarəsi üçün sifariş alıb. Təyyarələr üçün sifariş verən ölkələr arasında Çin, Səudiyyə Ərəbistanı və başqa Körfəz ölkələri var. 

Bir təyyarənin qiyməti təxminən 40-70 milyon dollar arasında dəyişir. Ukraynanın "Antonov" konstruktor bürosunun bu yeni məhsulu mayın 7-də Kiyev səmasına qalxıb. Havada bir saat keçirən təyyarə uğurla Qostomel hava limanında yerə enib. 

Yağışlı və sıx buludlu hava olmasına baxmayaraq, uçuş baş tutdu. Sınaq uçuşu zamanı hava limanına çox sayda izləyici yığılıb və onlar Ukraynanın yeni təyyarəsini müşahidə ediblər.