Bakı Dəmir Yolu Vağzalı yenidən qurulur

“Dəmir Yolu Vağzalında əsaslı təmi işləri aparılır, vağzal yenidən qurulur”. Avtosfer.az xəbər verirk i, bu barədə modern.az-a “Azərbaycan Dəmir Yolları” Qapalı Səhmdar Cəmiyyətinin mətbuat xidmətinin rəhbəri Nadir Əzməmmədov bildirib. O qeyd edib ki, hazırda dəmiryolu vağzalında təmizlik və söküntü işləri gedir: “Qərara alınıb ki, vağzalın fasadı sökülsün və köhnə binaya uyğunlaşdırılsın. Bundan əlavə, binanın daxilində memarlıq üslubu saxlanılmaq şərtilə yenidən qurulacaq. Binanın içində olan bilet kassası, saxlanma kamerası, sərnişinlər üçün nəzərdə tutulan otaqlar, gözləmə foyesi, rabitə, kafe və s. yenidən təşkil ediləcək. Həmçinin birinci mərtəbədən ikinci mərtəbəyə qalxmaq üçün ekskalator quraşdırılacaq”.

Nadir Əzməmmədovun sözlərinə görə, 2015-ci ilin sonuna qədər 30 ədəd yeni vaqonun Azərbaycana gətiriləcəyi planlaşdırılıb: “Sərnişin vaqonları Bakı- Tbilisi-Qars dəmir yolu marşrutunda istifadəyə veriləcək. Hazırda İsveçrənin “Stadler Rail Group”u ilə danışıqlar gedir”.

Mətbuat katibi Azərbaycan dəmir yollarında tətbiq edilən standartların Avropa standartları ilə fərqli olmasından yarana biləcək problemə də aydınlıq gətirib: “Bununla bağlı heç bir problem olmayacaq.

Bizdə standart 1520, Avropa standartları isə 1453-dür. Rəqəmlərdən də gördüyünüz kimi bizdə reyslər daha enlidir. Ona görə də alınacaq vaqonların təkər gücləri  quraşdırılan avtomat nəticəsində sərhəd-keçid məntəqələrində bizim əraziyə daxil olduqda Azərbaycan standartlarına, əsk istiqamətdə hərəkət zamanı isə Avropa standartlarına keçəcək.

Standartların fərqli olmasına baxmayaraq, dəmir yolu reysləri dəyişdirilməyəcək . Vaqonların təkərinin avtomatik dəyişməsi Azərbaycan tərəfinin sifarişi əsasında hazırlanıb”.

Nadir Əzməmmədov Cavid Qurbanovun təyinatından sonra hər hansı ixtisar, struktur dəyişikliyinin baş vermədiyini də vurğulayıb.