Bakı metrosunda çoxdan gözlənilən yenilik - VİDEO

Metronun “Elmlər Akademiyası” stansiyasının ikinci giriş-çıxışının inşa olunduğu sahədə tikinti işləri sürətlə davam etdirilir. Artıq tikintinin yerüstü sahəsinin abadlaşdırılmasına başlanılıb. Bu məqsədlə sahədə müvəqqəti və köməkçi tikililərin söküntüsü aparılır. “Bakı Metropoliteni” QSC-nin mətbuat xidmətinin rəhbəri Nəsimi Paşayev bildirib ki, hərəsində iki eskalator olmaqla iki giriş-çıxışda müasir eskalatorlar quraşdırılıb. Onların pilləkən marşları ilə divarların üzlənməsi aparılır. Keçidlərdə eskalatorlar hazırdır və yekun sazlama ərəfəsindədir. 

Qeyd edək ki, bu istiqamətdə stansiyanın 4 giriş-çıxışı inşa olunub. Onlardan ikisi İnformasiya Texnologiyaları və Radiasiya İnstitutları istiqamətində bir-birinə əks qütblərdə yerləşəcək, daha biri Milli Elmlər Akademiyası Mərkəzi Kitabxanasının yeni binası ilə Akademiya Bağı istiqamətində olacaq. Sonuncusu isə Bakı Dövlət Universiteti istiqamətindədir.  Yerüstü abadlaşdırma işlərinə paralel olaraq, giriş-çıxışlar üzərində müasir dekorativ-memarlıq elementli konstruksiya quraşdırılacaq. Stansiyanını bu hissəsində işlərin ilin sonuna qədər yekunlaşacağı və sərnişinlərin istifadəsinə veriləcəyi bildirilir. Həmçinin metrostansiyada yarımstansiyada tikilib, insanların istifadəsinə veriləcək.