Bakı-Xırdalan-Sumqayıt dəmir yolunda son vəziyyət - FOTO
Yeniliklər
28 Aprel 2015 11:17
Oxunub 1409
Artıq təmir işləri 6-cı post-Sumqayıt mənzilində aparılır
Bakı-Xırdalan-Sumqayıt sərnişin sahəsində dəmir yolunun əsaslı təmiri davam edir.
Hazırda daha 4,7 km yolun təmirinə başlanılıb.“Azərbaycan Dəmir Yolları” Qapalı Səhmdar Cəmiyyətindən Avtosfer.az-a verilən məlumata görə, təmir işləri 6-cı post-Sumqayıt mənzilində aparılır. Artıq köhnə yolun söküntüsü başa çatmaq üzrədir.
Qeyd edək ki, Bakı-Xırdalan-Sumqayıt sərnişin sahəsində 63 km uzunluğunda dəmir yolunun əsaslı təmir işlərinə 3 mart 2015-ci ildə start verilib və bu günə kimi 28 km yol əsaslı təmir olunub. Əsaslı təmir işlərini İnfrastruktur Departamentinin iştirakı ilə “Dəmiryolservis” MMC-nin müəssisələri həyata keçirir. Sumqayıt baş stansiyasına daxil olmadan Sumqayıt stansiyasına hərəkət etmək üçün 1,65 km uzunluğunda yeni birləşdirici yolun tikintisi də nəzərdə tutulur. Əsaslı təmir işləri başa çatdıqdan sonradan elektrik qatarlarının Bakı sərnişin stansiyasından Sumqayıt sərnişin stansiyasına qədər getməsinə 40 dəqiqə vaxt sərf olunacaq.
Fidan
ŞƏRH YAZ
DİGƏR XƏBƏRLƏR
