Bakıda 8 zolaqlı yeni yolun istismara veriləcəyi tarix açıqlandı

Bakının Xətai rayonunda, Nobel prospektinə paralel 8 hərəkət zolaqlı dənizkənarı avtomobil yolunun tikintisinin mayın ikinci ongünlüyündə yekunlaşdırılması planlaşdırılır. 

Avtosfer.az xəbər verir ki, bu baprədə Nəqliyyat Nazirliyinin "Azəryolservis" ASC-nin mətbuat xidmətinin rəhbəri Anar Nəcəfli oxu.az-a bildirib ki, hazırda son tamamlanma işləri gedir, asfalt-beton örtüyünün son layı vurulur. Qeyd edək ki, yol boyu iki dairəvi qovşaq və üç piyada keçidi tikilib. Bağlantı yollarla birlikdə ümumi uzunluğu 2 km-dən artıq olan yol 4 gediş və 4 gəliş olmaqla, 8 hərəkət zolağından ibarətdir. Eni isə 45 metr olan yolun bir zolağı nəqliyyat vasitələrinin park edilməsi üçün planlaşdırılır.