Bakının bu yolu tamamilə yenilənir - FOTO

Bakıda Yusif Səfərov küçəsinin Baş Polis İdarəsinin qarşısından Heydər Əliyev prospektinə qədər olan hissəsində təmir işləri davam etdirilir. Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyevin verdiyi məlumata görə, artıq yeni dönmə əməliyyatı üçün nəzərdə tutulan keçid hazırdır. Genişləndirilən digər ərazidə səki daşları düzülərək köhnə asfalt-beton örtüyünün qaşınması işləri başa çatdırılıb.

Qeyd edək ki, bu gün səhər saatlarından yeni asfalt-beton örtüyünün döşənməsinə başlanılıb.

Fidan