Çantaya yerləşən 3 kiloqramlıq avtomobil

Yaponiyanın avtomobil istehsalıçısı “Cocoa motors” əl çantasına sığan 3 kiloqramlıq avtomobil hazırlayıb. Avtosfer.az fins-ə istinadən xəbər verir ki, "Walkcar" adı verilən maşın noutbok ölçülərində, incə bir alüminium lövhəyə montaj edilmiş dörd təkər və elektrikli mühərrikdən ibarətdir. Ağırlıq mərkəzi dəyişdirilməklə idarə edilən kiçik avtomobil saatda 10 kilometr sürətlə hərəkət edə bilir. 3 saata enerji yığan “Walkcar” birdəfəyə 12 kilometr məsafə qət edir. Kiçik çala-çüxurlardan da keçə bilən maşın çəkisi yalnız 120 kiloqrama qədər olan insanları daşıya bilir. "Walkcar"ın 2016-cı ilin yazında satışa çıxarılacağı gözlənilir.