Daha bir ikimərtəbəli sərnişin qatarı gətirildi

Nəqliyyat Nazirliyi yanında “Azərbaycan Dəmir Yolları” QSC-nin İsveçrənin “Stadler Rail Group” şirkətindən aldığı “KİSS” markalı, 5 ikimərtəbəli elektrik qatarından daha biri Bakıya gətirilib. Avtosfer.az bu barədə QSC-yə istinadən xəbər verir.

Xatırladaq ki, ilk bu tipli qatar Bakıya mayın 30-da çatdırılmışdı. Qalan 3 qatarın isə bu ilin sonuna qədər Azərbaycana gətirilməsi nəzərdə tutulub.

Bakıda olan 2 yeni qatar sınaq məqsədi ilə Kürdəmir rayonuna qədər hərəkət edərək geri qayıdıb. Gələn həftədən onlar Bakı Dəmir Yolu Vağzalı ilə metronun “Koroğlu” stansiyasına qədər olan marşrut üzrə hərəkətdə olacaqlar.

Qatarların alınması üzrə saziş bu il mayın 13-də Bakıda keçirilən “TransCaspian-2015” Beynəlxalq nəqliyyat, tranzit və logistika sərgisi çərçivəsində imzalanıb.