Gediş haqları artırılacaq

Bakı-Sumqayıt dəmir yolu xətti üçün alınacaq yeni qatarlarda gediş haqqını həm Tarif Şurası, həm də Nəqliyyat Nazirliyi yanında “Azərbaycan Dəmir Yolları” QSC müəyyən edəcək. Avtosfer.az xəbər verir ki, bu barədə adı çəkilən QSC-nin sədri Cavid Qurbanov məlumat verib. Onun sözlərinə görə, adi vaqonlarda qiymətlərin dövlət, biznes sinfinə adi vaqonlarda isə “Azərbaycan Dəmir Yolları” tərəfindən müəyyən edilməsi nəzərdə tutulub. Bu zaman sərnişinlərin Sumqayıtdan Bakıya avtobusla gəlmək üçün sərf etdikləri vaxt, xərclədikləri pul nəzərə alınacaq və orta qiymət təyin ediləcək: “Həmin yolu avtobusla getmək üçün bir neçə marşrut dəyişmək, təxminən 1 manat xərc çəkmək lazımdır. Amma kondisoner və pulsuz internetlə təchiz olunmuş bu rahat qatarlarla cəmi 40 dəqiqəyə Sumqayıtdan Bakıya gəlmək mümkün olacaq. Elə qiymət müəyyən edəcəyik ki, sərnişinlərə sərf eləsin”.