İkimərtəbəli qatarların istismarına 2 gün qaldı - VİDEO

Yeniliklər 3 İyun 2015 09:55 Oxunub 1396
İkimərtəbəli qatarların istismarına 2 gün qaldı - VİDEO
WhatsApp kanalımıza abunə ola bilərsiniz
“Azərbaycan Dəmir Yolları” QSC I Avropa Oyunlarına tam hazırdır

Bir neçə gün sonra Bakıda başlayacaq I Avropa Oyunları çərçivəsində “Azərbaycan Dəmir Yolları” QSC-nin əməkdaşları gücləndirilmiş iş rejiminə keçib. Bu barədə qurumun mətbuat xidmətinin rəhbəri, Nazir Əzməmmədov məlumat verib. Artıq Bakı sərnişin vağzalında təmir işlərinə başlanılıb. Stansiyada məlumat lövhələri quraşdırılıb və informasiya bürosu yaradılıb. Həmçinin xarici turistlərlə rahat ünsiyyət qurmaq məqsədilə səhmdar cəmiyyətin əməkdaşlarının xarici dil bilikləri təkmilləşdirilib. “İnsanlarla ünsiyyət yaratmaq üçün kurslar təşkil etdik. Kurslara bələdçilər, qatar rəisləri və texniki işçilər çəlb edildi. Qismən də olsa, onlar insanlarla ünsiyyət yarada biləcəklər. Hazırda Bakı sərnişin stansiyasında, eləcə də binanın özündə də əsaslı təmir işləri gedir”- deyə Nadir Əzməmmədov bildirib.

Avropa Oyunlarında sərnişinlərin və turislərin rahat hərəkəti üçün Bakıya artıq ikimərtəbəli elektrik qatarlari da gətirilib. Həmin qatarlar vasitəsilə sərnişinlər Bakı sərnişin vağzalından birbaşa oyunların keçirildiyi “Koroğlu” metrosunun yaxınlığındaki stansiyaya gedə biləcəklər. Bu məqsədlə yeni dəmir yol xətti də artıq inşa olunub. 

Qeyd edək ki, yeni inşa olunan dəmir yol xətti ilə sonradan sərnişinlər yolarını davam etdirərək Sumqayıt şəhərinə rahat şəkildə gedə biləcəklər. “Əsaslı təmir işləri ilk öncə Bakı-Sumqayıt arasında olan hissədə aparılır. Bu zaman 63 kilometirlik yol əsaslı bir şəkildə təmir olunmalıdır. Artıq xəttin 46 kilometri təmir olunub. Bununla yanaşı digər - rabitə, sinqalizasiya, elektirik təchizatı kimi işlər də həyata keçirilir”, – deyə Nadir Əzməmmədov vurğulayıb.

Qeyd edək ki, paytaxta gətirilən ikimərtəbəli elektrik qatarlarının iyun ayının 5-nə kimi istismara buraxılması nəzərdə tululur.

ŞƏRH YAZ
Ad

E-mail

Şərh