Lənkərandan Rusiyaya birbaşa uçuş

Rusiyanın Sibir regionunda, xüsusən də Novosibirsk əyalətində yaşayan cənub bölgə sakinlərinin yol narahatlığına bu gündən son qoyulub. Anspress-in məlumatına görə, yeni fəlaiyyətə başlayan Novosibirsk-Lənkəran-Lənkəran-Novosibirs birbaşa reysi Sibir bölgəsində yaşayanlara bu imkanı yaradıb. Birbaşa reysi 75 yerlik An-148 təyyarəsi həyata keçirir.aviokompaniyanın təmsilçisi birbaşa reysin sərnişinlərin rahatlığı ilə yanaşı, bölgədə turizmin inkişafına da müsbət təsir edəcəyi qənaətindədir. Aviakompaniyada yeni reysin rəhbəri Dmitri Mislikov reys haqqında bu sözləri dedi: "Bizə çox xoşdur ki, nəhayət təyyarə ilə uçub sizə qonaq gəldik. İndi Azərbaycan öz inkişafı, tərəqqisi ilə bütün dünyanın diqqətindədir. Sibir regionu sakinləri çox sevinir ki, nəhayət ki, Lənkərana - bu gözəl istirahət güşəsinə, kurort məkanına birbaşa reys açıldı".

Hələlik Lənkəran –Novosibirsk birbaşa reysi həftədə bir dəfə uçuş həyata keçirir. Gələcəkdə tələbat olacağı təqdirdə reyslərin sayı artırıla bilər. Təyyarə saat 11-də Lənkərana təyyarə enir, 12-də qalxır. 75 sərnişinlk təyyarə Rusiya istehsalıdır. Reyslə uçuş müddəti 4 saat 40 dəq, biletin gediş qiyməti 270 manat, hər iki tərəfə gedib gəlmək isə 524 manat təşkil edir.