![Əks isitqamətə dönən maşın TIR-la toqquşdu: bir ailəni 3 üzvü yaralandı - VİDEO](/upload/news/small/278634.jpg)
Milli Gimnastika Arenasının qarşısındakı yol bağlanır – FOTO
![Milli Gimnastika Arenasının qarşısındakı yol bağlanır – FOTO](/upload/news/ebd2d3.jpg)
"Bakıda Milli Gimnastika Arenasının qarşısından Mehdi Abbasov küçəsi ilə kəsişmədə yerləşən dairə daxil olmaqla nəqliyyatın hərəkəti tam dayandırılacaq". Avtosfer.az xəbər verir ki, bunu Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev deyib. Onun sözlərinə görə, I Avropa Oyunlarına hazırlıq dövründə nəqliyyat-yol kompleksi üzrə nəzərdə tutulan işlər çərçivəsində Mikayıl Əliyev küçəsində təmir işləri davam etdirilir: “Asfalt-beton örtüyünün yenilənməsi ilə əlaqədar bu gün saat 16:30-dan etibarən Milli Gimnastika Arenasının qarşısından Mehdi Abbasov küçəsi ilə kəsişmədə yerləşən dairə daxil olmaqla nəqliyyatın hərəkəti tam dayandırılacaq. Təmir işlərinin axşam saat 23-24 radələrində başa çatdırılması və yolun bağlanan hissəsinin açılması gözlənilir”.
P.Mürsəliyev qeyd edib ki, sürücülərdən alternativ yollardan istifadə etmələri xahiş olunur.
Fidan