Nyu-Yorka uçmaq istəyən sərnişinlər üçün YENİLİK

“Azərbaycan Hava Yolları” (AZAL) sərnişinlər üçün yeni proqramın tətbiqinə start verib. Bu barədə “APA-Economics”ə AZAL-dan məlumat verilib. Məlumata əsasən, AZAL Bakı-Nyu-York/Nyu-York-Bakı istiqamətindəki J2 101/102 saylı müntəzəm uçuşlarda hava gəmisində öncədən yerin seçilməsi proqramının (ASR- Advance Seat Reservation) tətbiqinə başlayır. Başqa sözlə, Bakı-Nyu-York/Nyu-York-Bakı istiqamətindəki J2 101/102 saylı uçuşun hər bir sərnişini aviabilet əldə edərkən (və ya bronlaşdırma zamanı) hava gəmisində konkret yeri seçə bilər.