Saatda 140-la düz Gəncəyə - VİDEO

Gələcəkdə qatarların sürət həddinin artırılması nəzərdə tutulur. Avtosfer.az anstv-yə istinadən xəbər verir ki, yaxın gələcəkdə Bakı və Gəncə arasında dəmir yollarında qatarların hərəkət sürətinin artırılması planlaşdırılır. “Dəmiryolları” Qapalı Səhmdar Cəmiyyətinin mətbuat xidmətinin rəhbəri Nadir Əzməmmədov bildirdi ki, qatarların hərəkət sürəti aşağı olduğundan xeyli vaxt itki yaranır. Bu isə sərnişinlər üçün də müəyyən problem yaradır. Bunu nəzərə alaraq “Dəmiryolları” QSC Bakı və Gəncə arasında insanların daşınmasını təqribən 5 saata endirməyi planlaşdırır. Belə olan halda isə qatarların saatda sürət həddinin artırılmasını bildirir.

Nadir Əzməmədov deyir ki, dəmir yollarında təmir işləri aparılır və elektrik xətləri yenilənir. Bu işlər bitdikdən sonra qatarların pultla idarə edilməsi sisteminə keçirilməsi gözlənilir. Bu zaman saatda 80-90 sürətlə gedən qatarların sürəti 140-a qalxacaq. 

Hazırda isə Bakıdan Gürcüstan sərhədlərinə qədər də dəmir yolunun təmir işləri aparılır. İşlər 1 il - il yarıma başa çatacaq. Məqsəd Bakı-Böyük Kəsik yolunda qatarların sürətini artırmaqdır.