Sürücülər üçün naviqator-eynək istehsal edildi – FOTOLAR

Almaniyanın «BMW» avtomobil konserninə məxsus və bu brend altında avtomobil istehsal edən “MİNİ” şirkəti heç kəsin gözləmədiyi bir addımı atıb. İKT.lent.az-ın “4pda.ru” saytına istinadən verdiyi məlumata görə, “MİNİ” öz avtomobillərinin sürücülərinin əlavə görüntüsü üçün “Augmented Vision” adlı eynək istehsal edib. Bu avadanlıq sürücülərə getdiyi yol barədə əlavə məlumat verəcək. Ancaq bu zaman bu eynək sürücülərə mane olmayacaq. İstehsalçılar deyir ki, “Augmented Vision” eynəkləri sürücüyə öncədən seçilərək gedəcəyi yolu, çatacağı məntəqəni göstərəcək. Eynəklər naviqator rolu oynayaraq, avtomobilin getdiyi sürəti, hərəkət edilən yolda məhdudiyyət qoyulmuş sürəti, telefona daxil olmuş məlumatları belə göstərəcək. “Augmented Vision” eynəklərinin daha bir faydalı tərəfi budur ki, bu eynəklərlə sürücü avtomobilin tam salonunu fikrini yoldan ayırmayaraq görə biləcək. Yəni sürücü üçün avtomobilin çöldən qapılarını, ön panellərini belə görmək mümkün olacaq. Bu isə  avtomobilin kuzovunda yerləşdirilən kameralar vasitəsilə mümkün olacaq.

Qeyd edək ki, “MİNİ” şirkəti “Augmented Vision” eynəklərinin tam istehsal edəcəyi vaxtı və qiyməti hələ ki açıqlanmır.