Sürücülərə XƏBƏRDARLIQ: «20 yanvar» dairəsi təmirə dayanır

Bakının "20 yanvar" dairəsi adlanan ərazisində genişləndirilmə işlərinə başlanılıb. Nəqliyyat Nazirliyinin “Azəryolservis” ASC-dən Avtosfer.az-a daxil olan məlumata görə, Alı Mustafayev küçəsinin Cavadxan küçəsi ilə kəsişməsində yerləşən yol ötürücüsündən gələn nəqliyyat vasitələri “20 yanvar” ərazisinə daxil olan zaman müəyyən sıxlıqla qarşılaşdığı üçün nazirlik burada genişləndirmə işlərinə başlayıb. Həmin ərazidə yerləşən üçbucaq şəkilli təhlükəsizlik adaları götürülərək  genişləndirilmə işlərinə start verilib. Bundan əlavə,  həmin hissədə hündürlüyü 50 santimetr olan təkərqaytanlar  mərmər səki daşları ilə əvəzlənəcək. Eyni zamanda avtobus və taksi dayanacaqlarının da genişləndirilməsi planlaşdırılır.

Emin