Sürücülərin bu yeniliklərdən xəbəri olsun - VİDEO

Prezident İlham Əliyevin ötən gün imzaladığı fərmanla ''Avtomobil nəqliyyatı haqqında'' qanuna dəyişikliklər edilib. Beləliklə, bu sahədə bir sıra yeniliklər gözlənilir. "Avtomobil nəqliyyatı haqqında" qanuna edilən dəyişikliklərlə ölkə ərazisində baş verən qəzaların sayının azaldılması hədəflənib. Elə buna görə də, sürücülərin iş saatlarının müəyyənləşdirilməsi üçün Nazirlər Kabineti və Nəqliyyat Nazirliyi tərəfindən təkliflər hazırlanacaq. Sərnişin və yük daşınması üçün tələb olunan lisenziyaların verilməsində də dəyişiklik olub.

Başqa bir dəyişiklik isə ölkəmizdə avtomobillərə göstərilən texniki xidmət sahələri ilə bağlıdır. Belə ki, bu sahələrdə xidmətin səviyyəsini yüksəltmək üçün dövlət tərəfindən nəzarət gücləndiriləcək.

Bütün bu sadalanan sahələrlə bağlı təkliflər 3 ay müddətində hazırlanaraq ölkə prezidentinə təqdim ediləcək.