Sürücülərin diqqətinə! - VİDEO

Sürücülərin diqqətinə! Dövlət Statistika Komitəsinin qarşısındakı dairədə tıxacların aradan qaldırılması üçün əlavə tədbirlər görüləcək. Avtosfer.az atv.az-a istinadən xəbər verir ki, bu barədə “Azəryolservis” Səhmdar Cəmiyyətindən verilən məlumata görə,  İnşaatçılar  prospektində yerləşən dairədə, müxtəlif istiqamətlərdən daxil olan nəqliyyat vasitələri, nişanlanma xəttinin tələbini pozur. Daha dəqiq desək Naxçivani küçəsindən hərəkət edən nəqliyyat vasitələri İnşaatçılar prospektindən gələn nəqliyyat vasitələrinə yol vermək əvəzinə, birbaşa dairəyə daxil olur. Bu da ərazidə sıxlığın yaranmasına gətirib çıxarır. Yaranmış vəziyyəti aradan qaldırmaq üçün Nəqliyyat Nazirliyi “Azəryolservis” ASC həmin ərazidə dəyişiklik aparmaq qərarına gəlib.

Artıq ərazidə işlərə start verilib. Burada yeni təhlükəsizlik dairəsi quraşdırılacaq. Əraziyə səki daşları düzüləcək və bundan sonra zəruri olan hərəkət istiqaməti də dəyişəcək. İlkin versiyaya görə edilən dəyişikliklərdən sonra hər iki istiqamətdən hərəkət edən avtomobillər geriyə, İnşaatçılar prospektinə dönmək üçün irəlidə  quraşdırılacaq yerdən dönə biləcəklər.