Sürücülərin və piyadaların hərəkəti asanlaşdı - VİDEO

Paytaxt ərazisində yol kənarlarında bəzi şəxslər xüsusi vasitələrlə avtomobillərinə ayrıca yer ayırır. Belə hallar əsasən şəhərin mərkəzində baş verir. Bu isə həm insanların, həm də avtomobillərin hərəkətinə mane olur. Azəryolservis belə maneələrin söküntüsünə başlayıb. Qaydaları pozanlar cərimələnəcək.

Küçələr müxtəlif olsa da, hər birində mənzərə eynidir. Ya zəncirlə, ya da iplə bağlanıb. Paytaxtın mərkəzi küçələrindəki bu görüntü istər maşınların, istərsə də insanların hərəkətini çətinləşdirir.

Paytaxtın bəzi küçə və prospektlərində ara küçələrdə belə süni dayanacaqlar yaradılır. Və bunun nəticəsində insanlar avtomobillərini məhz bu dayanacaqlarda saxlayırlar. Bu isə öz növbəsində tıxacların yaranmasına səbəb olur. Bunu nəzərə alan dövlət qurumları isə hərəkətə keçib. Bu maneələri aradan qaldırmaq üçün «Azəryolservis» ASC bir sıra küçələrdə reyd keçirib. Xüsusi alətlərlə yol kenarlarındakı bu maneələr aradan qaldırılıb. Qaydaları pozanları cərimələrdə gözləyir.

Yolların bu maneələrdən tamizlənməsinə isə sürücülərin münasibəti birmənalıdır. Belə reydlər mütəmadi olaraq keçiriləcək.