Təhlükəsizlik üçün avtomobilləri “danışmağa” vadar edəcəklər - YENİLİK

ABŞ Nəqliyyat Departamenti ölkədəki avtomobillərin təhlükəsizliyinin təmin edilməsi üçün bir-biri ilə "danışmağı" öyrənməsini istəyir. İKT.lent.az-ın “hitech.vesti.ru” saytına istinadən verdiyi məlumata görə, qurumun katibi Entoni Foks elan edib ki, yaxın vaxtlarda hər yeni avtomobilə “V2V” (“venicle-to-venicle”) rabitə interfeysinin quraşdırılması məcburi olacaq.

Maşınların “danışması” üçün xüsusi 5,9 geqahers həcmində diapazonlu radiodalğalardan istifadə olunacaq. Avtomobillər arasındakı yeni məlumat ötürmə sistemi qəzaların sayını ciddi şəkildə azaltmağa kömək edəcək. Məsələn, hətta əgər gecə sürücü qarşıdan gələn avtomobili görmürsə, bort kompüteri ona bu haqda məlumat verəcək. Nəticədə toqquşma baş verməyəcək.

Bu təklif artıq federal səviyyədə bu ilin sonunda müzakirə ediləcək. Qurumdan bildirilib ki, departamentin əsas məqsədi millətin təhlükəsiz və qəzasız nəqliyyat vasitələrində hərəkət etmələri ilə gələcəyə getməsini təmin etməkdir. Həmçinin ətraf mühit haqda informasiya qəbul edən və başqa maşınlarla “ünsiyyət qurmağa qadir” avtomatlaşdırılmış avtomobillər təhlükəsizlik sahəsində inqilab edərək minlərlə insan həyatını xilas edəcək.