Xarici dil bilən taksi sürücüləri "Bakı-2015"ə hazırdır - VİDEO

Məlumdur ki, Avropa Oyunları ilə əlaqədar ölkəmizə xeyli sayda əcnəbi turistin gələcəyi gözlənilir.Belə vəziyyətlərdə xarici dil bilən taksi sürücülərinə tələbat artır.Bu tələbatı ödəmək istiqamətində müəyyən addımlar atılıb. Avropa Oyunları ilə əlaqədar olaraq paytaxt Bakıya xeyli sayda turistin gələcəyi gözlənilir. Sərnişindaşıma ilə məşğul olan qurumlar bunu nəzərə alaraq öz əməkdaşlarına xarici dil kursları keçiblər. ''London-taksi"lərinin sürücüləri də bu qəbildəndir... Qeyd edək ki, Avropa Oyunları üçün Bakıya daha müasir və yeni 500 ədəd ''London taksi''si gətirilib. Bəzi taksi sürücüləri ilə söhbət zamanı məlum oldu ki, onların çoxu 2012-ci ildə ölkəmizdə keçirilmiş ''Avroviziya'' mahı müsabiqəsi ərəfəsində xarici dil kurslarında iştrak ediblər. Bir sözlə, xarici dildə danışmaq üçün onların söz ehtiyatı var.

Onu da qeyd edək ki, oyunlar vaxtı ''London taksi''ləri növbəli şəkildə 24 saat işləyəcək.