Abşeronda yol polisi intihar etmək istəyən şəxsi xilas edib - FOTO

Abşeron DYP-nin əməkdaşı intihar etmək istəyən şəxsi xilas edib. Avtosfer.az xəbər verir ki, hadisə axşam saatlarında baş verib. Belə ki, Bakı-Sumqayıt şossesinin Xırdalan şəhərinə düşən hissəsində körpünün üzərinə təqribən 50-60 yaşlı kişi çıxıb. O özünü yerə ataraq intihar edəcəyini bildirib. Ərazidə xidmət aparan Abşeron Rayon Dövlət Yol Polis Şöbəsinin baş inspektoru leytenant Cavadov Əli Qivami oğlu intihara cəhd edən şəxsi bu əməlinin qarşısını alıb. O körpünün üzərində həmin şəxsi geriyə çəkərək intihar əməlindən yayındırıb. İntihara cəhd edən şəxs Abşeron Rayon Polis İdarəsinə təhvil verilib. Həmin şəxsin 1957-ci il təvəllüdlü Əliyev Xəqani Əli oğlu olduğu məlum olub. Hazırda faktla bağlı araşdırma aparılır.

Emin