Bakıda kuryer motosikletçi yol polisi motosiklətinə çırpıldı - FOTO

Bakıda kuryer xidməti göstərən motosikletçi polis motosikletinə çırpılıb. Avtosfer.az-ın oxu.az-a istinadən xəbər verir ki, hadisə Füzuli küçəsində qeydə alınıb. Belə ki, kuryer xidməti göstərən sürücü motosikleti ilə 10-P-054 nömrəli Yol Patrul Xidməti motosikletini vurub.

Hadisə nəticəsində polis əməkdaşı və digər motosikletin sürücüsü müxtəlif dərəcəli bədən xəsarətləri alıb.

Polis əməkdaşı Daxili İşlər Nazirliyinin Tibb İdarəsinin Arif Heydərov adına Respublika Hospitalına çatdırılıb.