Bakıda saxta nömrə ilə "avtoşluq" edən şəxs həbs olunub - FOTO

Yol polisi 23 Oktyabr 2020 20:44 Oxunub 2318
Bakıda saxta nömrə ilə "avtoşluq" edən şəxs həbs olunub  - FOTO
WhatsApp kanalımıza abunə ola bilərsiniz

Bakı şəhər sakini Mirzağa Seyidzadə avtoxuliqanlıq hərəkətləri etdiyi üçün həbs olunub. Bu barədə Avtosfer.az-a Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov məlumat verib. Bildirilib ki, o, 10 FT 095 dövlət nömrə nişanını başqa nəqliyyat vasitəsinə aid olmasına baxmayaraq "Hyundai" markalı avtomobilə vuraraq avtoxuliqanlıq edib. Sentyabr ayının 10-dan etibarən müxtəlif vaxtlarda bu hərəkətlərə yol verib. Aparılan araşdırmalar zamanı onun Zabrat dairəsi, Heydər Əliyev prospektində müxtəlif üsullarla avtoxuliqanlıq edərək qaydaları pozduğu aydınlaşıb. Yol polisi əməkdaşları tərəfindən saxlanılan sürücü aidiyyəti üzrə polis bölməsinə təhvil verilib. Onun barəsində toplanmış materiallar məhkəməyə göndərilib. Məhkəmənin qərarına əsasən sürücü bir il sürücülük hüququndan məhrum edilməklə, 30 gün müddətində inzibati qaydada həbs olunub.

Fərid

ŞƏRH YAZ
Ad

E-mail

Şərh