Bakıda yol polisi xanım sürücüləri hədiyyə atəşinə tutdu - FOTO

Bu gün Bakı Şəhər Dövlət Yol Polisi İdarəsinin əməkdaşları paytaxt ərazisində 8 Mart Beynəlxalq Qadınlar Günü münasibətilə maarifləndirici tədbir keçiriblər. Avtosfer.az xəbər verir ki, tədbir ənənəvi xarakter daşıyır. Xanım sürücülərə bayram münasibətilə hədiyyələr verilir. 
YPX əməkdaşları yol hərəkəti qaydalarını pozan xanım sürücüləri saxlayıblar. Onlar əsasən təhlükəsizlik kəmərindən istifadə etməyən, ötmə manevr qaydalarını pozan, sükan arxasında mobil telefondan istifadə edən sürücülər olub. YPX əməkdaşları onları aşkar edərək saxlayıblar. Maarifləndirici söhbətlər apararaq bayram münasibətilə hər hansı cərimə tətbiq etməyəcəklərini bildiriblər. Eyni zamanda bu cür hərəkətlərin təhlükəli olduğu qeyd olunub. 
Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az-a bildirib ki, son illərdə xanım sürücülərin iştirakı ilə baş verən yol qəzalarının sayı azalmaqdadır. Bu da aparılan maarifləndirmə işlərinin nəticəsidir. Azərbaycanda son illər xanım sürücülərin sayı artmaqdadır. Xanım sürücülər arasında nə qədər kobud qayda pozuntularına yol verənlər olsa da, nizam-intizamı ilə seçilən sürücülər daha çoxdur. Biz yol polisi olaraq bütün xanım sürücüləri, piyadaları təbrik edir, onlara uğurlar arzulayırıq.

Tədbir zamanı xanım sürücülərə Bakı Şəhər Dövlət Yol Polisi İdarəsinin adından qiyməti hədiyyələr və gül təqdim olunub. 
Qeyd edək ki, yol polisinin keçirdiyi bu tədbirlərə bir çox tanınmış şirkətlər də dəstək olub.

Xanımlara 156 evakuasiya və 166 yükdaşıma xudmətinin, Sirab sularının və Avtosfer.az-ın hədiyyələri təqdim olunub.

Orxan