Beş minlik avtomobilə 10 minlik ŞOK CƏZA

Türkiyənin Zonquldaq vilayətində 5 minlik avtomobilə 10 minlik cəza yazılıb. Avtosfer.az yerli mətbuata istinadən xəbər verir ki, hadisə avqustun 19-u gecə saatlarında Çaycümə rayonunda baş verib. Reyd keçirən yol patrul xidmətinin əməkdaşlarının “Saxla” əmrinə məhəl qoymayan 67 DA 906 qeydiyyat nişanlı avtomobil sürücüsü sürətlə ərazidən uzaqlaşıb. Zonquldaq-Ankara yolunun Bakacaqkadı istiqamətində avtomobil qoyaraq qaçan K.K., qısa müddət ərzində yaxalanıb.

Həbs edilən K.K.-nın sərxoş olduğu müəyyən edilib. O, “drift”, “əks yola daxil olma”, “saxla əmrinə tabe olmama”, “sürücülük vəsiqəsi olmadan sərxoş nəqliyyat vasitəsi” idarəetmə maddələri ilə ümumilikdə 10 min 503 lirə pul cəzası ilə cəzalandırılıb. Dəyəri 5 min lirə olan avtomobil isə 60 gün nəqliyyatdan uzaqlaşdırılıb.

Namiq Musayev