DYP "28 May"da cərimə yazmağı dayandırdı - VİDEO

Dünəndən 28 May metrostansiyasının qarşısına avtomobillərin girişi qadağan edilib. Dünən əraziyə daxil olan sürücülər 3 bal və 80 manat cərimələnib. Avtosfer.az xəbər verir ki, bu gün də bəzi fərdi avtomobil sürücüləri “28 May” metrostansiyası və Bakı Dəmiryol Vağzalı qarşısına daxil olublar. Bu dəfə DYP əməkdaşları onlara cərimə tətbiq etməyərək xəbərdarlığa üstünlük verib. Yol polisi onlara yaxınlaşaraq bir daha məlumatlandırıb.
Qeyd edək ki, dünən sürücülər qərardan xəbərsiz olduqlarını əsas gətirərərək cərimə olunmalarına etirazlarını bildirmişdilər.