DYP buna görə sizi saxlaya bilər? – Yol polisindən RƏSMİ CAVAB

Bəzi sürücülər əsasən də yer səthindən daha hündür olan “Niva”, Toyota Prado”, “Rang Rover” və s. kimi markalı avtomobillərə rahat minib-düşmək üçün xüsusi ayaqaltı quraşdırır.

Bəs DYP əməkdaşları buna görə avtomobili saxlaya bilərmi və sürücü cərimənməlidirmi?

Avtosfer.az xəbər verir ki, bu sualı vətəndaşlardan biri Avto FM radiosunun efirində yayımlanan “Qaydaları pozma” verilişində səsləndirib.

Verlişin qonağı Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli suala cavab olaraq bildirib ki, bu ayaqaltılar qanun ozuntusu üçün heç bir əsas yaratmır: “Lakin bəzi sürücülər kustar üsulla ayaqaltı düzəldib maşına quraşdırırlar. Hətta bəziləri ayağının ölçüsünə uyğun ayaqaltı yığdırır. Təbii ki, yol polisi əməkdaşları belə anormal görünüşlü avtomobili saxlayacaq”.

Məhəbbət Tərlanoğlu