DYP Gəncədə məktəblərində şagirdlərlə görüş keçirdi - VİDEO

Baş Dövlət Yol Polisi İdarəsinin yollarda uşaq travmatizminin minimuma endirilməsi istiqamətində həyata keçirdiyi təbliğat-təşviqat və maarifləndirmə xarakterli tədbirlər davam edir. Respublikanın şəhər, rayon polis orqanlarının DYP qurumlarına ümumtəhsil məktəblərində şagirdlərlə görüşlərin keçirilməsi, onlara təhlükəsiz davranış vərdişlərinin aşılanması işində əməli köməklik göstərilir, müsbət təcrübə təbliğ olunur.

Gəncə şəhər 19 nömrəli tam orta məktəbdə keçirilən növbəti görüşdə də Gəncə şəhər BPİ-nin DYP xidmətinin əməkdaşları tərəfindən təhsilalanlara yol hərəkətinin təhlükəsizliyinə dair ətraflı məlumat verilib, məktəblilərin yol hərəkəti qaydaları ilə bağlı bilik və bacarıqları yoxlanılıb, onları maraqlandıran suallar cavablandırıb.