DYP Göygöldə 21 sərxoş sürücü saxladı - FOTO

Göygöl Rayon Polis Şöbəsinin Dövlət Yol Polisi Bölməsinin əməkdaşları rayon ərazisində “Təmiz hava” aylığı ilə bağlı tədbir keçiriblər. 

DİN-in Mətbuat Xidmətinin Gəncə regional qrupundan bildirildiyinə görə, texniki nasazlığı olan, atmosferi normadan artıq çirkləndirən avtomobillərin sürücüləri barədə tədbirlər görülüb.

Profilaktik tədbir zamanı sürücülük hüququ olmadan və spirtli içki qəbul edərək nəqliyyat vasitəsi idarə edən şəxslər də aşkar edilib. Qeyd edilən qayda pozuntularına yol verən 21 sürücü barəsində inzibati protokol tərtib edilib.