Narkoman “Volkswagen” sürücüsü SAXLANILDI - VİDEO

Narkotik vasitənin təsir altında avtomobil idarə edən daha bir sürücü ifşa edilib və başqalarına zərər vurmadan hərəkətdən kənarlaşdırılıb.

Avtosfer.az xəbər verir ki, Baş DYP İdarəsinin əməkdaşları tərəfindən normativ tələblər pozulmaqla avadanlıq quraşdırılan “Volkswagen” markalı, 10-HA-303 dövlət  qeydiyyat nişanlı avtomobil Lökbatan dairəsi yaxınlığında saxlanılıb.

Sənədlərin yoxlanılması zaman sürücü A.Əsgərovun hərəkətləri şübhə doğurduğundan onun tibbi müayinədən keçməsi təmin edilib.

Müayinə zamanı A.Əsgərovun narkotik maddə qəbul etməsi aşkar olunduğundan barəsində inzibati  protokol tərtib edilərək baxılması üçün aidiyyəti məhkəməyə göndərilib.