Polis işğaldan azad edilən ərazilərdə də fəaliyyətini davam etdirir - FOTO

Novruz bayramı günlərində polis əməkdaşları tərəfindən işğaldan azad olunmuş ərazilərdə təhlükəsizlik məqsədilə zəruri tədbirlər davam etdirilir.

Avtosfer.az DİN-in Mətbuat xidmətinə istinadən xəbər verir ki, həmin istiqamətlər üzrə icazəsi olan şəxslərin sərbəst keçidi təmin edilir. Təhlükəsizlik məqsədilə marşrutdan kənar ərazilərə insanların hərəkətinə icazə verilmir.

Bundan başqa, işğaldan azad edilmiş ərazilərin mina və digər partlayıcı vasitələrdən təmizlənməsi, erməni hərbi birləşmələrinin geri çəkilərkən atdıqları silah-sursatların yığılması üçün daxili işlər orqanlarının əməkdaşları tərəfindən görülən zəruri tədbirlər davam etdirilir.

Qeyd edək ki, bayramla əlaqədar bütün ölkə ərazisində polis gücləndirilmiş iş rejimində fəaliyyət göstərir.