Şəki DYP avtobus sürücülərinə xəbərdarlıq edir

Sentyabrın 8-dən  etibarən ölkənin şəhər və rayonlarından şəhərlərarası(rayonlararası) avtobuslarla,eləcə də mikroavtobuslarla müntəzəm və qeyri-müntəzəm sərnişin daşımalarının həyata keçirilməsi istisna olmaqla, Bakı, Sumqayıt şəhərlərinə və Abşeron rayonuna minik nəqliyyat vasitələrinin giriş-cıxışı ilə bağlı tətbiq edilmiş məhdudiyyətlərin aradan qaldırılmasından ayrı-ayrı şəxslər  süi istifadə edərək, iri və kiçik tutumlu avtobuslarla (oturacaqların sayı 9-dan artıq olan) kənd və qəsəbələrdən insanları toplayaraq sərnişindaşıma fəaliyyətini həyata keçirməyə cəhd göstərirlər.  

Sürücülərə xəbərdarlıq edirik ki, Azərbaycan Respublikasının Nazirlər Kabinetinin müvafiq qərarlarına uyğun olaraq xidməti ərazidə mütəmadi olaraq profilaktik tədbirlər həyata keçiriləcək, qanunsuz sərnişindaşıma  fəaliyyəti göstərən sürücülər barəsində inzibati tənbeh tədbirləri görüləcəkdir.      

Odur ki, qaydalara əməl etməyinizi tövsiyyə edirik.