Sənədsiz, saxta nömrə ilə "protiv" gedən sürücü həbs edildi - FOTO

Oktyabrın 19-u Əhməd Cavad küçəsində yolun əks istiqamətində hərəkət edən "Suzuki" markalı motosikletçi qaydanı pozub. Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov Avtosfer.az-a bildirib ki, motosiklet sürücüsü başqa bir nömrəni nəqliyyat vasitəsinin üzərinə vurub. DYP əməkdaşlarının ona saxla əmrinə tabe olmamışdır. Araşdırılan zaman sürücünün sürücülük vəsiqəsi olmadığı və saxta nömrədən istifadə etdiyi məlum olub. Yol polislərinə tabesizlik göstərən Əzizov Vüsal Qismət oğlu aidiyyəti üzrə polis bölməsinə təhvil verilib. Sürücü barəsində toplanmış materiallar aidiyyəti üzrə Səbail rayon məhkəməsinə təqdim olunub. Məhkənin qərarı ilə o, 15 gün müddətində inzibati qaydada həbs olunub.