Sərxoş halda avtoxuliqanlıq edən sürücü həbs edildi - FOTO

Bakıda sərxoş halda avtomobil idarə edərək yol hərəkəti qaydalarını pozan sürücü həbs olunub. Bu barədə Avtosfer.az-a Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov məlumat verib. Bildirilir ki, sürücü Nəsirov Fəxrəddin Cəlal oğlu sərxoş vəziyyətdə idarə etdiyi 99 UF 061 dövlət nömrə nişanlı, "Mercedes" markalı avtomobil ilə Heydər Əliyev prospektində əks istiqamətdə hərəkət edib. Yol polisinin "saxla" əmrinə qəsdən tabe olmayan sürücü avtoxuliqanlıq hərəkətləri edib. Yol polisləri və Post Patrul Xidməti əməkdaşlarının köməyi ilə sürücü saxlanılıb. O, müvafiq qaydada ərazi üzrə polis bölməsinə gətirilib. Sürücü barəsində toplanmış materiallar aidiyyəti üzrə Nizami rayon məhkəməsinə təqdim olunub. Məhkəmə sürücünü İnzibati Xətalar Məcəlləsinin 511.1, 334.1 və 535.1 maddələri ilə təqsirli bilib. Barəsində 1 il sürücülük hüququndan məhrum edilməklə 20 gün həbs tədbiri seçilib.

Orxan