Sürücü yol polisi əməkdaşı ilə birgə maşında şou göstərdi - VİDEO

Yol polisi ilə sürücünün etdiyi hərəkətin videosu sosial şəbəkədə gündəm olub. Avtosfer.az xəbər verir ki, sürücü avtomobilindəki YPX əməkdaşının gözü qarşısında avtoxuliqanlıq edib. Polis əməkdaşı mahnıya səs verib, sürücü isə mahnının sədaları altında həm asfalt üzərində təkərlərin sürtünməsi səsləri çıxarıb, həm də avtomobili fırladaraq müxtəlif şou göstərib.

İddialara görə, videodakı polis əməkdaşı sürücünün tanışıdır. Hadisə sosial şəbəkə istifadəçiləri arasında çaşqınlıq yaradıb və bir çoxu videonun Azərbaycanda çəkildiyini düşünüb. Lakin qeyd edək ki, görüntülər Özbəkistanda lentə alınıb. Çaşqınlıq yaranmasının səbəbi isə Özbəkistanın yol polisi forması ilə Azərbaycanın yol polisi formasının bir-birinə çox bənzəməsidir. Bu ölkədə yol polisi "Yol Patrul Xizməti" adlanır.

Fərid