Təhlükəli manevrlər edib qəza riski yaradan sürücüylə bağlı araşdırma başladı - VİDEO

Göygöl rayonunda yol hərəkəti qaydalarını kobud şəkildə pozan sürücünün videosu sosial şəbəkədə paylaşılıb.

Avtosfer.az-ın məlumatına görə, 20-CK-440 dövlət nömrə nişanlı “VAZ-2115” markalı avtomobilin sürücüsü yolda təhlükəli manevrlər edib. Belə ki, o, hərəkətdə olan maşınları ötmək üçün gah sağa, gah da sola manevr edərək dəfələrlə qəza riski yaradıb. Bununla yanaşı sürücü yolu keçən piyadaları da təhlükəyə atıb. Digər kadrda isə o, əks istiqamətli yola çıxaraq qarşı tərəfdən gələn avtomobili vurmaqdan son anda yayınıb.  

DİN-in Mətbuat Xidmətinin Gəncə regional qrupundan Avtosfer.az-ın sorğusuna cavab olaraq bildirilib ki, görüntülərlə bağlı Gəncə Şəhər Baş Polis İdarəsinin Dövlət Yol Polisi Şöbəsində araşdırmalara başlanılıb və sürücü barəsində tezliklə hüquqi qiymət veriləcək. 

Nərmin