Təhsil Şöbəsinin müdiri nazirə və DYP rəhbərliyinə təşəkkür etdi - FOTO

Saatlı rayon Təhsil Şöbəsinin müdiri Seyidağa Kazımov Avtosfer.az saytına müraciət edib. O, yol polisinin məktəblərdə apardığı maarifləndirmə işləri və şagirdlərin təhlükəsizliyinin təmin olunması məqsədilə görülən işlərdən danışıb. Seyidağa Kazımov bildirib ki, Saatlı rayon Təhsil Şöbəsi dəfələrlə müxtəlif tədbirlərin keçirilməsi, imtahan vaxtları olan zaman onların aparılması üçün Baş Dövlət Yol Polisi İdarəsinin Yol Patrul Xidməti Alayının 12-ci tağımına müraciət edib. Tağımın əməkdaşları şagirdlərin imtahana aparılıb'-gətirilməsi zamanı onları müşayiət edib və təhlükəsizliyi təmin edirlər. Bundan əlavə məktəblərdə keçirilən maarifləndirmə tədbirləri uşaqlarda yüksək əhval ruhiyyə yaradıb, onlar yol hərəkəti qaydalarını öyrənməyə davam edirlər. Bütün bunları nəzərə alaraq Seyidağa Kazımov Daxili İşlər Naziri general polkovnik Ramil Usubova və Baş Dövlət Yol Polisi İdarəsinin rəisi general-mayor Ramiz Zeynalova və Yol Patrul Xidməti Alayının rəhbərliyinə öz təşəkkürünü bildirib.

Orxan