Xətaidə "Təmiz hava aylığı" ilə bağlı maarifləndirici tədbir keçirilib - FOTO - VİDEO

Xətai rayon Dövlət Yol Polisi Şöbəsinin əməkdaşları tərəfindən “Təmiz hava” aylığı çərçivəsində tədbirləri davam etdirir.

Avtosfer.az xəbər verir ki, məqsəd avtomobillərin istismarı nəticəsində atmosferə atılan qazların insanların sağlamlığına təhlükə yaratmasının, eləcə də havanın çirkləndirilməsinin qarşısının alınmasıdır.

Tədbir zamanı nəzərə çatdırılıb ki, sürücülər istifadələrində olan nəqliyyat vasitələrinin yanacaq sisteminə nəzarət etməklə, saz vəziyyətə saxlamalı və xaric olunan qazlarının tərkibi ekoloji təhlükəsizlik normalarına uyğun olmalıdır.

Tədbir zamanı saxlanılan sürücülərin əksəriyyətinin avtomobilindən ixrac olunan zərərli qazların miqdarı normalar çərçivəsində olub. 

Normalara cavab verməyən avtomobillərin sürücüləri barəsində inzibati qaydada protokol tərtib olunub. 
Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli bildirib ki, sürücülər qaydalara riayət etməli və avtomobillərini saz vəziyyətdə saxlamalıdırlar.

Orxan Əli