Xidmətdə fərqlənən yol polisləri mükafatlandırıldı – Avtosfer.az-dan VİDEO

1998-ci ildə Ulu Öndər Heydər Əliyevin imzaladığı Fərmanla təsis edilən “Polis günü” bu gün ölkənin bütün bölgələrində qeyd olunur. 108 illik şərəfli tarixə malik Azərbaycan Polisi bu gün də ölkənin təhlükəsizliyi, ictimai asayişi və vətəndaşların rahatlığı naminə gecə-gündüz fədakarlıqla xidmət göstərir.

Avtosfer.az kollektivi, eləcə də “Jurnalistika və İnkişaf Mərkəzi” İctimai Birliyinin üzvləri peşə bayramları münasibətilə DYP əməkdaşları ilə görüşlər keçirib, onları “Polis günü” münasibətilə təbrik edib. Görüşdə son 1 il ərzində Azərbaycan yollarında xidməti zamanı fərqlənən, yağışda, qarda, günün bütün saatlarında xidmət aparan, yolda qalan vətəndaşlara kömək edən yol polisləri iştirak edib.

Görüşlər təkcə paytaxt və Bakıətrafı ərazilərdə deyil, həm də respublika əhəmiyyətli yollarda xidmət aparan YPX əməkdaşları ilə də geçirilib. Onlara Avtosfer.az saytının və “Jurnalistika və İnkişaf Mərkəzi” İctimai Birliyinin diplomları, eyni zamanda “166 Yük Daşıma Xidməti”nin və “Toyota Azərbaycan” şirkətinin hədiyyələri təqdim olunub.

Səfər