Yol polisi "Diqqət uşaqlar" aylığı çərçivəsində Suraxanı rayonunda - FOTO - VİDEO

Bakı şəhər Dövlət Yol Polisi İdarəsi tərəfindən hazırlanan maarifləndirici şüarlar əks olunan plakatlar hazırlanıb. "Diqqət uşaqlar" aylığı çərçivəsində həmin plakatlar məktəblərin önünə vurulur və maarifləndirmə işləri aparılır. Avtosfer.az xəbər verir ki, bu gün Suraxanı rayonundakı məktəblərin önünə də bu plakatlardan vurulub. Suraxanı DYPŞ-nin əməkdaşları eyni zamanda şagird və müəllimlərlə maarifləndirici söhbətlər aparıb.

Bildirilib ki, bu plakatlarda əks olunan tövsiyyələr təhlükəsizlik üçün vacib amillərdəndir. 

Qeyd edək ki, lövhələrdə şagirdlərin nəzarətsiz buraxılması, piyada keçidlərindən istifadə edilməsi, dərslərdə şagirdlərə yol hərəkəti qaydaları haqqında məlumat verilməsi, karantin qaydalarına riayət olunması öz əksini tapıb.

Plakatlar yol polisi əməkdaşları tərəfindən Bakı şəhərində yerləşən bir sıra məktəblərin önünə vurulacaq və eyni zamanda karantin qaydalarına uyğun olaraq təbliğat işləri davam etdiriləcək.

Orxan