Yol polisi Oğuzda maarifləndirmə tədbiri keçirib - VİDEO

Oğuz rayonunun Kərimli kəndində Baş Dövlət Yol Polisi İdarəsinin Yol Patrul Xidməti Alayının 5-ci tağımının əməkdaşları ilə Oğuz rayonu Dövlət Yol Polisi Bölməsinin birgə tədbiri baş tutub. Polis əməkdaşları kənd sakinləri, eləcə də məktəblilərlə görüşüb. Kənd ərazisində kənd təsərrüfatı texnikasının intensiv olmasını qeyd ediblər.

Bildirilib ki, kənd sakinləri bu texnikaların işıqlandırma sisteminə ciddi nəzarət etməlidirlər. Həmçinin bu cür texnikanın nasaz vəziyyətdə yol çıxması qəza şəraiti yaradır. Həmçinin kənd məktəbinin də magistral yolun kənarında yerləşməsi də piyadaların  birbaşa yola çıxması ilə nəticələnir.

Həm şagirdlər, həm də valideynlər bu sahədə diqqətli olmalı, yol hərəkəti qaydalarına əməl etməlidirlər. 
Tədbirdə bu cür maarifləndirmə işlərinin davam etdiriləcəyi vurğulanıb.

Orxan